Ýalandadyr

Ýalandadyr

Barça günäniň enesi

Gybat bilen ýalandadyr;

Ili aldamak tenesi

Az berip, köp alandadyr.

Men-menlikde gezer käsi,

Günbe-günden bolar asy,

Agyz içiniň yzasy

«Gah-gah» edip gülendedir.

Ýygjak bolup dünýä-zeri,

Garyplara derdeseri,

Zat diýp çapar baýy-piri,

Gözi gumdan dolandadyr.

Ne pakyry, ne daýhany,

Ölüm bilmez begu-hany,

Bir wagt çekerler puşmany

Haly zebun bolandadyr.

Zelili aýdar, bu haly,

Kimse egsik, kimse doly,

Eziz ömrüň zowaly

Eltip göre salandadyr.

Türkmen şahyry: Zelili  ذلیلی